viernes, 4 de marzo de 2011

Jorge Suárez Carbajal algama' l Premiu AMAS 2011 como Meyor Gaiteru

El gaiteru sierense Jorge Suárez Carbajal algama' l el Premiu AMAS 2011 na modalidá de Gaita na gala que tuvo llugar esti vienres 4 de marzu nel Teatru Filarmónica d' Uviéu. La gala va ser retresmitía pela TPA dende les 12 la nueche del sábadu 5 de marzu al domingu 6.

No tocante a la gala, la ovación de la nueche foi pal luthier Alberto Fernández Velasco, que emocináu recoyó un de los tres Premios Honoríficos otorgaos n' esta sesta edición. El públicu supo valorar la carrera d' un de los meyores contructores de gaites del Principáu y dedicó-y una de les mayores ovaciones que se recuerden nos Premios AMAS, llegando a ponese en pie gran parte del respestable.

Tres la entrega del Honoríficu a Alberto Fernández, llegó' l turnu pa la gaita. Esti añu' l premiu foi a parar a les manes de Jorge Suárez Carbajal, que faló asina:

"Buenes nueches a toos. La verdá que nun esperaba algamar esti premiu, porque hai xente mui bona como Balbino, Bras y Diego, que ta faciendo muncho pola música tradicional, y merecen tantu como yo o más esti premiu. Quería dar les gracies, en primer llugar, a la mio familia y a los mios collacios pol so sofitu incondicional y por tar ehí siempre, a la organización de los premios por pensar que yo tenía que tar ente los nominaos, a la xente - claro ta - que me votó por internet, y, yá por último a tola la xente que fai posible que la gaita te onde fai munchos años que se merecía. Y dar la norabona a los tres honoríficos, especialmente a Alberto por aguantanos tantos años a tantos gaiteros, que se aprecia. Gracies."

Dende equí dar la norabona a tolos nominaos, que yá pol simple fechu de talo puen tar arguyosos de lo que tan faciendo y seguir lluchando polo que creen. No tocante a la música folk, Anabel Santiago algamó' l premiu a Meyor Voz, Héctor Braga el d' Otros Instrumentos y Corquiéu los de Meyor Cantar Folk (Bratislava) y Meyor Discu Folk (Suaña). A toos ellos: FELICIDAES!

No hay comentarios:

Publicar un comentario